Cease to begin – Band of horses [2007]

Það er ekki auðvelt að fylgja á eftir góðri debjúplötu, hvað þá svona fljótt á eftir. Fyrsta plata BOH kom út í mars 2006 og þessi nýja núna í október 2007. Það er aldeilis greddan í strákunum! Að mínum dómi var “Everything all the time” ein af fimm bestu plötum síðasta árs (sjá hér).
“Cease to begin” er einnig hörkuplata, BOH eru klárlega búnir að skapa sér sitt eigið “sánd”, “sánd” sem ég kepptist við að tengja við einhverja aðra og vildi meina að þetta væri blanda af Neil Young, Flaming Lips og My Morning Jacket með smá dass af REO Speedwagon! Þetta er nú meiri hrærigraturinn hjá mér, við þetta mætti e.t.v. bæta The Band. Mér finnst þessar plötur frekar svipaðar, það eru 4-5 eðal lagasmíðar á þeim hvorri fyrir sig og svo eru hin lögin mjög fín og eru með í því að mynda sterka heild. Það er einhvern ekki annað hægt en að hrífast að rödinni hans Ben Bridwell, hann er sannfærandi og er vel bakkaður upp með gítarveggnum sem er orðið vörumerki BOH. Ég held svei mér þá að ég sé orðinn BOH aðdáandi.

Hápunktar: “Ode to irc”, “No one’s gonna love you”, “Island on the coast” og “Marry song”.

Einkunn: 8.5

Fróðleiksmoli: Eins og einn lesandi bloggsins, hann Þórður, bendir á í athugasemdakerfinu hér aðeins neðar, þá hætti Mat Brooke (annar forsprakka BOH) skömmu eftir að “Everything all the time” kom út árið 2006. Þetta gerði hann til þess að einbeita sér að hinu bandinu sínu, Grand Archives. Hlustið á nokkur lög með þeirri sveit hér. Það er plata væntanleg í febrúar á næsta ári. Þeir eru á sama leibeli og BOH (og reyndar líka Handsome Furs), Sub Pop.

Vídjó: “Marry song”

[mæspeis]

Athugasemdir

[Steinn E. Sigurðarson, 27.11.2007 kl. 12:03]

Hann er vissulega með geðveika rödd! Frábært band finnst mér einnig, fyrsta platan er enn í miklu uppáhaldi hjá mér, en þarf að versla mér nýju svo maður fái að njóta hennar í heild sinni :-)