Erlendu lög ársins 2006 - sæti 1. - 10.

Loksins hafði ég mig í það að setja inn topp 10 yfir erlendu lög ársins 2006. Hér er þetta og hlustið á lögin hér til hægri. 

#10
Rough gem - The Islands (af plötunni Return to the sea)
Enn eitt undrabandið frá Kanada – platan þeirra hefur svo sem ekki “keypt” mig alveg, margt gott og svo annað sem fer í taugarnar á mér. Þetta lag er hins vegar mjög gott, gæti trúað að það væri góð stemning á tónleikum hjá þeim.
[myspace] [youtube] (live upptaka)

#9
Analyse - Thom Yorke (af plötunni Eraser)
Það sem helst einkennir Yorke á þessari plötu eru skarpir textar og mikil einlægni. Af mörgum góðum lögum þá finnst mér þetta lag, “Analyse”, standa hvað mest upp úr.
[myspace] [youtube] (live upptaka)

#8
Cursed sleep - Bonnie Prince Billy (af plötunni The Letting go)
Ég telst ekki til aðdáenda Will Oldham, ég er að fíla lög og plötur héðan og þaðan af ferli þessa merka tónlistarmanns. T.d. er lagið “Sheep” eitt uppáhalds lagið mitt með BPB, segir kannski margt um mig? Allavega, þá er platan “The Letting go” virkilega góð og þetta lag frábært, “Cursed sleep”. Ekki skemmir fyrir að platan var tekinn upp á Íslandi af Valgeiri Sigurðssyni.
[myspace] [youtube] (live upptaka)

#7
Head home – Midlake (af plötunni The Trials of Van Occupanther)
Mjög svekkjandi hvað platan þeirra barst mér seint til eyrna á þessu ári – hefði ég verið búinn að hlusta meira á hana í lok árs þá væri hún “flörtandi” við topp 5 listann. Það eru fjölmörg góð lög á þessari plötu og mér finnst sérstaklega eitt þeirra bera af og það er þetta lag, “Head home”. Ég heyrði það reyndar fyrr á árinu og hélt þá að þetta væri Rufus Wainwright. Skemmtilegt 70s “sound” á þessu hjá þeim, þetta er eitthvað svo einstakt og ekta.
[myspace] [youtube] (myndband)

#6
Stadiums and shrines II – Sunset Rubdown (af plötunni Shut up I am dreaming)
Eitt hliðarverkefna Spencer Krug úr Wolf Parade er Sunset Rubdown og er það að virka vel.  Þessi plata er í fínu lagi og þetta lag með þeim betri á árinu sem er að líða.
[myspace] [youtube] (live upptaka)

#5
Act of Apostle - Belle & Sebastian (af plötunni The Life Pursuit)
Þetta er örugglega mest spilaða lagið hjá mér á þessu ári. Ég á mjög erfitt með að útskýra af hverju..... hressleiki, bjartsýni, skemmtilegheit.... eru nokkur orð sem skjóta upp kollinum. Þetta er upphafslag hressustu plötu ársins 2006.
[myspace] [youtube] (live upptaka – syrpa frá Hollywood Bowl)

#4
Omaha - Tapes’n’Tapes (af plötunni The Loon)
Smá dass af Modest Mouse, vottur af Pixies, stráum svo jafn miklu af Wolf Parade og Clap Your Hands Say Yeah yfir.. þá ertu kominn með Tapes’n’Tapes.. æji samt ekki, þetta eru allavega böndin sem þeir minna á hér og þar á plötunni. Lagið “Omaha” er virkilega ljúft, einfalt og gott.
[myspace] [youtube] (live upptaka)

#3
The funeral - Band of Horses (af plötunni Everything all the time)
Lagið byrjar heldur hægt og rólega en brýst út í gott rokk. Þessi sveit á eftir að láta mikið af sér kveða, þetta lag er með því betra á síðasta ári.
[myspace] [youtube] (live upptaka)

#2
Postcards from Italy - Beirut (af plötunni The Gulag Orkestar)
Þessum bandaríska táningi tókst að blöffa marga og þar á meðal mig upp úr skónum með þessari plötu. Austantjalds-indípopp af dýrari sortinni. Þetta lag stendur upp úr, klárlega.
[myspace] [youtube] (live upptaka)

#1b
Over and Over - Hot Chip (af plötunni The Warning)
#1a
And I was a boy from school - Hot Chip (af plötunni The Warning)
Í mínum huga er þessi tvö lög tvímælalaust erlendu lög ársins – ég get engan veginn gert upp á milli þeirra. Sköpunargleðin í þessum tveimur lögum á sér enga líka á síðasta ári, segi ég og skrifa! Ég er ennþá að naga mig í handarbökin yfir að hafa misst af þeim “live” nú í haust.
[myspace] [youtube] (myndband við “Over and over”) [youtube] (live upptaka af “And I was a boy from school) 

Erlendu lög ársins 2006 - sæti 11.-20.

Jæja, þá er komið að því að gera upp tónlistarárið 2006 í erlendum lögum. Byrjum á sætum 11. til 20. Topp 10 birtist fljótlega. Bendi á að það er hægt að hlusta á öll lögin í spilaranum hérna til hægri. Einnig er vert að benda á [myspace] og [youtube] tenglana fyrir neðan hvert sæti, þar er annars vegar hægt að sjá og heyra meira um flytjandann og hins vegar að sjá myndband við lagið. Vindum okkur í þetta.

#20
When we were young - The Killers (af plötunni Sam´s Town)
Þetta er hörkusmellur, á því er enginn vafi. Ég er svo sem ekki að fíla hljómsveitina sem slíka, en lagið náði að límast pikkfast á heilabúið svo vikunum skipti.
[myspace] [youtube]

#19
Starlight – Muse (af plötunni Black Holes and Revelations)
Tríóið frá Teignmouth hefur alltaf verið í náðinni hjá mér. Nýjasta plata þeirra “Black holes and revelations” er hörkugóð og þetta lag virkilega gott.
[myspace] [youtube]

#18
Wildcat – Ratatat (af plötunni Classics)
Dúettinn Ratatat hefur túrað með ekki ómerkari nöfnum en Franz Ferdinand, Interpol og !!! (lesist: chk chk chk). Þetta lag er af annari breiðskífu þeirra sem heitir því hógværa nafni “Classics”. Fín plata og þetta lag er bara eitt af mörgum góðum.
[myspace] [youtube] (myndbrotið er reyndar við annað lag af plötunni, lagið heitir “Kennedy” og þetta er live-upptaka frá Guggenheim safninu í NYC)

#17
We´re from Barcelona - I´m from Barcelona (af plötunni Let me introduce my friends)
Ótrúlega hallærislega hressandi lag frá þessum fjölmenna en afar fríða hópi Svía.
Verð að viðurkenna að ég hef ekki hlustað óendanlega mikið á þessa plötu þeirra en þetta lag virtist festast alveg frá fyrstu hlustun. Forsprakki og aðalsprauta sveitarinnar er Emanuel Lundgren, en fullmönnuð telur bandið 29 manns!
[myspace] [youtube]

#16
You have killed me – Morrissey (af plötunni Ringleader of the Tormentors)
Ég hef aldrei verið mikill Smiths-ari né Morrissey-maður, fíla auðvitað og þekki helstu smellina. Það er ekki fyrr en núna á síðustu árum að ég hef farið að veita kallinum aðeins meiri athygli og féll ég m.a. fyrir þessu lagi á árinu 2006, topp eintak.
[myspace] [youtube]

#15
Colours - Hot Chip (af plötunni The Warning)
Ég nefndi í síðustu færslu varðandi Hot Chip hvað mér fannst gæta mikilla Paul McCartney áhrifa og takta hjá þeim – það finnst mér hvað mest koma í ljós í þessu lagi, “Colours”. Frábært lag.
[myspace] [youtube]

#14
White collar boy - Belle & Sebastian (af plötunni The Life Pursuit)
Það er úr svo mörgum góðum lögum að velja af þessari plötu, en þetta er með þeim betri. Hressandi lag sem maður getur ekki annað en vaggað sér við. Finnst einhvern veginn eins og Belle and Sebastian sé miklu eldri hjómsveit en raun ber vitni, aðeins rúmlega 10 ára gömul. Hvað er betra en hressandi, vel útfært popp með hnittnum textum? Örugglega mjög margt, en þetta er virka vel.
[myspace] [youtube]

#13
Don´t take my sunshine away – Sparklehorse (af plötunni Dreamt for light years in a belly of a mountain)
Mark Linkous er mikill snillingur og þetta lag með þeim betri á nýjustu plötunni. Hann á það til að láta bíða mikið eftir sér, t.d. liðu 5 ár frá síðustu plötu og til þeirrar nýjustu og á milli hinna platnanna liðu allt frá tvö og hálft ár til fjögurra. Auðvitað hafa verið góðar og gilda ástæður fyrir þessum biðum en það má kannski segja að þessi fimm ára bið eftir nýju plötunni hafi byggt upp óraunhæfar kröfur. Fín plata, en ekki alveg í sama gæðaflokki og t.d. “Good Morning Spider” og “It´s a wonderful life”.
[myspace] [youtube] (live upptaka)

#12
Young folks - Peter, Bjorn and John (af plötunni Writer´s block)
Hver hefur ekki flautað þennan lagstúf í tíma og ótíma á árinu 2006? Það er mikil kúnst að búa til lag/laglínu sem fólk fær á heilann, þessum þremur geðþekku Svíum tókst það svo sannarlega. Þetta er fínasti smellur af ágætri plötu.
[myspace] [youtube]

#11
Nettie Moore – Bob Dylan (af plötunni Modern Times)
Kláralega ein af plötum ársins hér á ferð og þetta lag eitt af mínum uppáhalds þar. Einstaklega flott lag og textinn virkilega góður.
[myspace] [youtube] (langt frá því að vera meistarinn sjálfur, en hér getið þið séð einhvern gaur reyna við lagið “Nettie Moore” á kassagítar, athyglisvert!?)

1. til 10. sæti innan skamms. Hvernig líst þér á?

Erlendar plötur ársins 2006

Vel við hæfi á fyrsta degi ársins 2007 að líta aðeins um öxl og nefna nokkrar af þeim erlendu plötum sem voru mest að mínu skapi á árinu 2006. Tek það fram að þetta er einungis til gamans gert og alls ekki búið að liggja yfir þessu sólarhringunum saman.

1.

The Warning – Hot Chip
Ætli þetta sé ekki bara plata ársins í mínum eyrum. Er búinn að láta hana rúlla í gegn aftur og aftur og fæ bara ekki leið á henni. Þetta er rosalega viðkunnaleg plata, þægileg og fúnkerar sem ein heild, hún missir aldrei dampinn. Ekki skemmir fyrir að mér finnst ég alltaf heyra í Paul McCartney inn á milli, allavega eru einhver áhrif þarna.

Hápunktar: “And I was a boy from school”, “Over and over” og “Colours”. 
[Myspace]

2.

The Life Pursuit - Belle & Sebastian
Þetta er án ef ein skemmtilegasta plata ársins, það er eitthvað ólýsanlega hressandi við þessa skífu sem kemur mér ávallt í gott skap. Urmull af smellum.

Hápunktar: “Act of the apostle”, “White collar boy” og “We are the sleepyheads”.
[Myspace]  

3.

Modern times – Bob Dylan
Tíu mjög góð lög og ekkert rugl!

Hápunktar: “Spirit on the water”, “Rollin’ and tumblin’” og “Nettie Moore”. [Myspace]

4.

The Eraser – Thom Yorke
Hef aldrei verið forfallinn aðdáandi Radiohead, á nokkrar plötur og hef séð þá á tónleikum. Þessi plata er virkilega einlægt meistarastykki frá forsprakka sveitarinnar. Það er ákveðinn þétt- og stöðugleiki á þessari plötu sem erfitt er að útskýra nánar.

Hápunktar: “Analyse”, “Black swan” og “Harrowdown hill”.
[Myspace]

5.

Everything all the time – Band of horses
Ef ég ætti að líkja Band of horses við eitthvað þá freistast ég til að segja: blanda af Neil Young, Flaming Lips og My Morning Jacket með smá dass af REO Speedwagon!?!
Þessi plata kom eins og þruma úr heiðskíru lofti allavega hvað mig varðar, og heillaði mig nánast við fyrstu hlustun. Flestir þekkja lagið “The Funeral” sem er þeirra helsti hittari.

Hápunktar: “The First song” og “The Funeral”. 
[Myspace]

Aðrar góðar plötur á árinu, sem voru nálægt topp 5
The Gulag Orkestar – Beirut [Myspace]
Classics – Ratatat [Myspace]
Black holes and revelations – Muse [Myspace]
Post War – M Ward [Myspace]

Plötur sem aðrir "hæpa" en ég er ekki að ná (ekki ennþá a.m.k.):
Það er alltaf slatti af plötum sem menn keppast um að lofsama en ég gjörsamlega næ engan veginn að "kaupa" snilldina. Þar má t.d. nefna "The Drift" með Scott Walker og "Ys" með Joanna Newsom. Ég er búinn að reyna en.....kannski kemur þetta síðar.

Aðrir listar yfir plötur ársins 2006:
Erlent: Pitchforkmedia, Rolling Stone, Mojo, NME, Q, Uncut, Indiesurfer - og meira yfirlit hér og hér.
Innlent: Rjóminn, Dr. Gunni, Zýrður Rjómi, Egill Harðar, Árni Matt.

Framundan: erlendu lög ársins 2006.

Bestu íslensku lögin 2006

Kannski svolítið stór titill, lesist kannski frekar: íslensk lög sem voru mest að mínu skapi á árinu 2006! Þetta er svo sem ekki í neinni sérstakri röð, en hérna kemur þetta....

Topp íslensku lögin 2006 eru: (öll lögin nema "Cockpitter" og "Lotus" eru í spilaranum hér til hægri)

Skítapakk – Dr. Spock
Magnaður texti, þeir eru eitt besta tónleikaband sem ég hef upplifað. Þetta lag verður að upplifast "live". Dr. Spock á Myspace

Cockpitter – Ultra Mega Technobandið Stefán (sjá magnað "performance" í Kastljósinu hér)
Þetta er án efa eitt af uppáhalds lögum mínum á árinu sem er að líða. Horfið á "performance" ársins í Kastljósinu og þið sjáið hvað ég er að tala um. UMTBS á Myspace

Boy oh boy – Lay Low
Virkilega gott lag hjá henni Lovísu - platan að vísu ekki eins heilsteypt og ég var að vonast til, en alls ekki slæm sem debjút-plata. Lay Low á Myspace

Love your bum – Eberg
Eberg er einn þeirra sem hefur komið mér hvað mest á óvart á þessu ári. Frábært lag hér á ferð. Eberg á Myspace

Breaking the waves – Dikta
Virkilega gott lag hjá Diktumönnum, án efa eitt af flottari lögum ársins 2006. Dikta á Myspace

Long past crazy - Singpore Sling
Þeir eru ekki dauðir úr öllum æðum, gott lag af 7-laga plötunni sem kom út á þessu ári. Singapore Sling á Myspace

Lotus – FM Belfast (hlustið hér)
Danssmellur ársins 2006, gott grúv í þessu. FM Belfast á Myspace

Svefn - Stafrænn Hákon
Lagið Svefn kemur reyndar ekki út fyrr en snemma á næsta ári en er komið í spilun á netinu - virkilega gott lag og lofar góðu fyrir nýju plötuna. Biggi úr Ampop syngur í þessu lagi. Stafrænn Hákon á Myspace

"Singalongur" ársins:
Sexy boy - Toggi (hlustið hér)

Var mjög fljótt mjög þreytt-lag ársins:
Barfly - Jeff Who?

Framundan:
Erlendu plötur ársins 2006
Erlendu lög ársins 2006

Smog og aðeins meira sænskt

Smog er af mörgum talinn óumdeilanlegur guðfaðir lo-fi tónlistarinnar. Ég er tiltölulega nýbúinn að uppgötva þennan merka snilling, reyndar er ég því miður bara búinn að verða mér úti um fjórar af alls tólf breiðskífum kappans, en ein þeirra sem ég komst yfir er “Dongs of sevotion” frá árinu 2000.

Það eru sérstaklega tvö lög af þessari plötu sem ég verð bara að deila með ykkur (og eru þau til hlustunar í tónlistarspilaranum hér til hægri):
- Bloodflow
- Dress sexy at my funeral

Smog er á sama “labeli” og t.d. Bonnie Prince Billy og Joanna Newsom – Drag City.
Hann heitir reyndar réttu nafni Bill Callahan og túraði hann víst á þessu ári undir því nafni – það er von á nýrri breiðskífu frá honum á næsta ári og þá undir nafninu Bill Callahan!

Fróðleiksmoli: Smog er blanda af reyk og þoku (smoke + fog = Smog).

Varðandi síðustu færslu um sænsku myndböndin tvö sem ég ákvað að deila með ykkur, þá skal ég játa það að ég hreinlega gleymdi að nefna Kent og Jens Lekman sem eitt af því fáa sem ég fíla af sænskri tónlist. Ekki hef ég hlustað mikið á Jenny Wilson.

Í tilefni af kommentunum við sænsku færslunni þá má ég til með að setja tvö stykki sænsk eðalmeti í tónlistarspilarann, bæði frá téðum Jens Lekman af safnplötunni (þrjár EP-plötur og einhver aukalög) “Oh, you are so silent Jens” frá því í fyrra:
- Black Cab
- Pocketful of money

Jens Lekman spilaði á Airwaves á þessu ári, kom í staðinn fyrir Jenny Wilson sem forfallaðist. Jens mætti einn síns liðs, vopnaður ukelele og þótt víst standa sig nokkuð vel. Hér getið þið séð hann taka “Black cab” á Airwaves.

Tenglar:
Jens Lekman á Myspace

Tvö sænsk myndbönd

Þeir sem mig þekkja vita að ég hef gegnum árin verið mjög svo á móti sænskri tónlist, ég hef getað talið á fingrum annarar handar góðar sveitir/flytjendur frá Svíþjóð. Ég gæti hins vegar talið endalaust af böndum frá því ágæta landi sem hafa farið rosalega í taugarnar á mér í gegnum árin... ABBA, Roxette, The Hives, Ace of Base og fleiri og fleiri sem ég þekki ekki einu sinni á nafn. Gæti vel verið að þetta sé bara eitthvað sem ég beit í mig fyrir langa löngu og er kominn í algjöran hring með?

Í dag eru reyndar nokkrar þó nokkuð áhugaverðar hljómsveitir að skjóta upp kollinum í Svíþjóð, og ég er meira að segja að fíla þetta nokkuð vel, þroskamerki!? Ætla að setja inn tvö lög í formi myndabanda. Það fyrra með nokkuð skemmtilegri sveit sem kallar sig "I´m from Barcelona" og lagið heitir því frumlega nafni "We´re from Barcelona". Myndbandið er skemmtilega hallærislegt.



Hitt lagið er með Peter, Björn & John og heitir "Young folks", virkilega grípandi smellur þar á ferð.


Meira um sveitirnar tvær:
I´m from Barcelona á Myspace
Peter, Björn & John á Myspace

Jólatónlist

Finnst við hæfi að fyrsta alvöru bloggfærslan sé um jólatónlist. Ég á rosalega bágt með mig tónlistarlega séð í aðdraganda jólanna, það eru örfá jólalög sem mér finnst hafa skilið eitthvað eftir sig og ég get hugsað mér að heyra tvenn jól í röð. Auðvitað eru nokkrir klassíkerar eins og "White christmas", "Blue christmas", "Happy Xmas war is over" og fleiri sem alveg þolanlegt er að heyra á þessum tíma ársins. Svo eru önnur, alls ekki mörg, sem ég hef gjörsamlega fallið fyrir og get hlustað á ansi oft á þessum tíma. Á meðal þeirra eru:

Father christmas - The Kinks
Kinks hafa lengi verið í miklu uppáhaldi og þessi jólasmellur í anda þeirra, hrátt og rokkað.

I believe in father christmas - Emerson, Lake & Palmer
ELP eru miklir snillingar og þetta jólalag kemur mér í mikið hátíðarskap - þeir sem hafa ekki kynnt sér þessa súpergrúppu ættu að tékka á lögum eins og "Lucky man" og "From the beginning".
(Hlustaðu á lagið í tónlistarspilaranum hér til hægri->)

Wonderful christmas time - Paul McCartney
Skemmtilega hallærislegt synthapopp hjá meistara Paul, það er einhver stemning í þessu lagi sem grípur mig.

Hva´ þekkja þau ekki jólin? - Stafrænn Hákon
Ein besta jóla-ábreiða sem ég hef heyrt, Ólafur er snjall strákur, ekki bara með skiptilykilinn á gítarhálsinum heldur getur strákurinn líka sungið! Bíð spenntur eftir "Gumma" sem á víst að koma út í byrjun næsta árs.
(Hlustaðu á lagið í tónlistarspilaranum hér til hægri->)

Bendi á að jólalögin með ELP og Stafrænum Hákon eru í spilaranum hér til hægri. Önnur lög í spilaranum að þessu sinni, valin af handahófi:
Leaf House - Animal Collective (Sun tongs, 2004)
Crosses - Jose González (Veneer, 2005)
Assessment - The Beta Band (Heroes and Zeroes, 2004)

Bloggað um tónlist

Hér verður bloggað um tónlist, aðallega mér til gamans og dægrarstyttingar.