Erlendar plötur ársins 2006

Vel við hæfi á fyrsta degi ársins 2007 að líta aðeins um öxl og nefna nokkrar af þeim erlendu plötum sem voru mest að mínu skapi á árinu 2006. Tek það fram að þetta er einungis til gamans gert og alls ekki búið að liggja yfir þessu sólarhringunum saman.

1.

The Warning – Hot Chip
Ætli þetta sé ekki bara plata ársins í mínum eyrum. Er búinn að láta hana rúlla í gegn aftur og aftur og fæ bara ekki leið á henni. Þetta er rosalega viðkunnaleg plata, þægileg og fúnkerar sem ein heild, hún missir aldrei dampinn. Ekki skemmir fyrir að mér finnst ég alltaf heyra í Paul McCartney inn á milli, allavega eru einhver áhrif þarna.

Hápunktar: “And I was a boy from school”, “Over and over” og “Colours”. 
[Myspace]

2.

The Life Pursuit - Belle & Sebastian
Þetta er án ef ein skemmtilegasta plata ársins, það er eitthvað ólýsanlega hressandi við þessa skífu sem kemur mér ávallt í gott skap. Urmull af smellum.

Hápunktar: “Act of the apostle”, “White collar boy” og “We are the sleepyheads”.
[Myspace]  

3.

Modern times – Bob Dylan
Tíu mjög góð lög og ekkert rugl!

Hápunktar: “Spirit on the water”, “Rollin’ and tumblin’” og “Nettie Moore”. [Myspace]

4.

The Eraser – Thom Yorke
Hef aldrei verið forfallinn aðdáandi Radiohead, á nokkrar plötur og hef séð þá á tónleikum. Þessi plata er virkilega einlægt meistarastykki frá forsprakka sveitarinnar. Það er ákveðinn þétt- og stöðugleiki á þessari plötu sem erfitt er að útskýra nánar.

Hápunktar: “Analyse”, “Black swan” og “Harrowdown hill”.
[Myspace]

5.

Everything all the time – Band of horses
Ef ég ætti að líkja Band of horses við eitthvað þá freistast ég til að segja: blanda af Neil Young, Flaming Lips og My Morning Jacket með smá dass af REO Speedwagon!?!
Þessi plata kom eins og þruma úr heiðskíru lofti allavega hvað mig varðar, og heillaði mig nánast við fyrstu hlustun. Flestir þekkja lagið “The Funeral” sem er þeirra helsti hittari.

Hápunktar: “The First song” og “The Funeral”. 
[Myspace]

Aðrar góðar plötur á árinu, sem voru nálægt topp 5
The Gulag Orkestar – Beirut [Myspace]
Classics – Ratatat [Myspace]
Black holes and revelations – Muse [Myspace]
Post War – M Ward [Myspace]

Plötur sem aðrir "hæpa" en ég er ekki að ná (ekki ennþá a.m.k.):
Það er alltaf slatti af plötum sem menn keppast um að lofsama en ég gjörsamlega næ engan veginn að "kaupa" snilldina. Þar má t.d. nefna "The Drift" með Scott Walker og "Ys" með Joanna Newsom. Ég er búinn að reyna en.....kannski kemur þetta síðar.

Aðrir listar yfir plötur ársins 2006:
Erlent: Pitchforkmedia, Rolling Stone, Mojo, NME, Q, Uncut, Indiesurfer - og meira yfirlit hér og hér.
Innlent: Rjóminn, Dr. Gunni, Zýrður Rjómi, Egill Harðar, Árni Matt.

Framundan: erlendu lög ársins 2006.

Athugasemdir

[kristjangud.blogspot.com (IP-tala skráð) 3.1.2007 kl. 15:54]

sammála að fyrstu þrjár voru góðar, hef ekki heyrt 4 né 5 í heild sinni. Aðrar góðar fannst mér:
The Black Keys - Chulahoma: The Songs of Junior Kimbrough [EP]
The Rapture - Pieces of the People we Love
Islands - Return to the Sea
Regina Spektor - Begin to Hope
Morrissey - Ringleader of the Tormentors

[Helga Þórey Jónsdóttir http://helga.undraland.com (IP-tala skráð) 5.1.2007 kl. 13:23]

mér finnst þessi síða frábær - endilega haltu áfram að skrifa!

ég var hrifnust af squarepusher - hello everything og matthew herbert - scale, en hot chip eru fínir líka.

[Guðjón (IP-tala skráð) 6.1.2007 kl. 12:51]

Hva....ekkert skrifað um Basshunter?  Óumdeilanlega Svíi ársins í tónlistarheiminum!!  Átti að spila á nokkrum tónleikum á Íslandi milli jóla og nýárs en var sendur tilbaka til Sweden því það átti að handtaka hann!!  hehe.  Þeir eru loksins farnir að handtaka menn í Svíþjóð ef þeir gera lélega tónlist. Sérð bara vini þína í ABBA. Skattrannsóknir.