Krúttlegt?

Fánaberar krúttkynslóðarinnar eru ekki alveg að standa sig í PR-málunum. Var þetta viðtal ákveðið í óþökk þeirra eða voru þeir bara illa fyrirkallaðir? Sumum finnst þetta ákaflega krúttlegt og "artí" en mér finnst þetta barnalegt og gríðarlega ófagmannlegt. Voru þeir ekki að kynna nýju heimildarmyndina?

Tek það fram að ég er þó nokkur aðdáandi sveitarinnar en mér finnst þetta óskaplega döpur frammistaða í viðtali. Þeir hafa sjálfir talað um hvað þeir séu þreyttir á öllu þessu álfa- og tröllatali hjá erlendu tónlistarpressunni, hvað þeir séu öðruvísi og skrýtnir, hvað náttúran endurspeglist í tónlistinni...... en hvernig er annað hægt þegar menn annað hvort þegja eins og klettar eða koma eins og álfar úr hverjum hólnum á fætur öðrum í viðtali eins og þessu?

Sigur Rósarmenn ekki skrafhreifnir

Athugasemdir

[Ósammála (IP-tala skráð) 11.10.2007 kl. 12:10]

Æ kommon! Hver er ekki orðinn hundleiður á þessu djöfulsins krúttutuði. Ég hef séð, heyrt og lesið viðtöl við Sigur Rós þar sem þeir tala af mikilli fagmennsku um tónlistina sína og hljómsveitina sína. Mér finnst líklegast að þetta flón sem er að skrifa þessa vitleysu hafi hreinlega ekki verið starfi sínu vaxinn þess vegna hafi viðtalið verið lélegt.

[Óskar P. Einarsson (IP-tala skráð) 11.10.2007 kl. 15:27]

Ég er sammála "ósammála" - hef ekki heyrt heimskulegri rokkviðtalsspurningar í áraraðir, týpískur svona Kani sem segir "rock out", eða eitthvað.

Hér gildir því einfaldlega "Garbage In, Garbage Out".

Fíla Sigur Rós ekkert sérstaklega mikið en fíla samt hvernig þeir grilluðu gaurinn í þessu viðtali. 

[My Music, 11.10.2007 kl. 17:46]

Af því að spurningar útvarpsmannsins voru slakar þá er ekki þar með sagt að Sigur Rósar-menn þurftu líka að detta í ruglið og svara bara með "já" og "nei"-svörum. Ég tek undir það að spyrillinn var hvorki að stíga í vitið né að leggja upp fyrir þá langlokusvörin.

En við erum að tala um viðtal á landsdekkandi ríkisútvarpsstöð (national public radio) í USA þar sem að sveitin hefði getað plöggað myndina og að menn skuli taka því tækifæri á svona hátt finnst mér dapurt. Ég hef bæði lesið og séð fín viðtöl við þessa stráka þar sem þeir tala á fagmannlegan hátt um lífið og listina, það er einmitt þess vegna sem mér finnst þetta einstaklega dapurt.

Er sem sagt málið að ef spyrillinn spyr heimskulegra spurninga þá á maður að svara heimskulega á móti, detta niðrá sama plan?

[Signý, 11.10.2007 kl. 18:57]

Hvernig áttu þeir að svara þessu spurningum, sem eru í hæsta máta kjánalegar öðruvísi en með já-i eða nei-i?

Ef að þú vilt vitrænar umræður um eitthvað þá spyr maður vitrænnaspurninga. En ekki eitthvað svona rugl... Þeir hafa líklega orðið bara hissa, enda á þetta að vera svona nokkurskonar RÚV útvarpsstöð, hvað svona fagleg vinnubrögð er að ræða og þar sem standardinn ætti að vera hærri en þetta.... Ég er allavega enn hissa

Friður á jörð!